الرئيس السيسي: علينا جميعا مواجهة محاولات الكذب والتشويه والإفك والافتراء

هنأ الرئيس السيسي، كل الخريجين الجدد وأسرهم على حفل تخرج الطلبة الجدد، معلقا: ربيتم وقدمتم أبناءكم وبناتكم لمصر.. بشكركم إنكم ساهمتهم بأبناءكم لمصر.

وتابع الرئيس السيسي: كل الأسر تقوم بدور عظيم في شراكة حقيقة مع مؤسسات الدولة، امبارح كنت بكلم عن ذاكرة الوطن، وأنا هنا بتذكر يوم الأمن في جناحين الشرطة والقوات المسلحة، كل جناح منهم ضروري جدا جدا لأمنها واستقرارها في الداخل والخارج.. الأمن المصري مبني على الشرطة والقوات المسلحة.

وتابع: أي محاولة تستهدف الجناحين دول.. يبقى بتستهدف استقرار الدولة، كافة الإجراءات والمحاولات من بعد 2013 لحد دلوقتي هي محاولات عشان الأجيال اللي محضرتش الخراب والتدمير والضياع اللي مصر مرت به.

وذكر الرئيس: لازم كلنا نخلي بالنا من جناحي الأمة ونحافظ عليهم، واجب علينا أن تتحدث إننا لازم نحافظ على مؤسستي الشرطة والجيش.. لازم نحمي ونبقى فاهمين.

وأضاف الرئيس السيسي: لازم نتكلم دائما عشان كل المحاولات اللي بتتعمل على مدار السنوات اللي فاتت، وهتزيد أكتر.. كل ما الدولة صلابتها بتزيد وقدراتها بتزيد الاستهداف هيزيد.. بعد كل اللي اتعمل من 2011 لحد دلوقتي لسا مصر بتبنى وتعمر وتحل كل أمورها.. هما بيقولوا لا مش هنسبها.

وذكر الرئيس السيسي: الحفاظ على الدولة المصرية في رقبة المصريين كلهم، وبأمن مصر في كل رقبة لفتاة وسيدة مصرية.. لأنكم تابعتهم وشفتهم الأحداث اللي مرت علينا وعليكم.. أوعوا أنتوا عندكم أولاد وأحفاد وأشقاء.. بأمنكم أمام الله سبحانه وتعالى.. من فضلكم اتكلموا وقولوا وأحكوا.

وأضاف الرئيس السيسي: والله كذب وإفك وافتراء.. وأحاسب أمام الله عايزين يشوهوا صورتنا.. مش عايزنا نبقى أحنا.. نبقى كلنا مع بعض.. تحيا مصر واسمعوا كلامي كويس .. مصر مش في رقبتي أنا بس .. رقبتي متستحملش.. ربنا يقوينا وأحنا مع بعض.. مصر في رقبتنا كلنا، محدش يقدر على 100 مليون.. مش رقبة الداخلية لوحدها أو الجيش.