اليوتيوبر أحمد حسن يرد على اتهامه بالتحرش (فيديو)

ظهر اليوتيوبر أحمد حسن في فيديو عبر صفحته الخاصة على “فيسبوك”، بصحبة زوجته، ليرد على الاتهامات المُوجهة له بالتحرش بفتاة عبر “انستجرام”.

وقال حسن: "كنا في عيد ميلاد أيلين بنتنا، ولاقينا ناس بتكلمنا إن في بنت بتتهمني بالتحرش، بعد عيد الميلاد لاقيت بنت طالعة في فيديو بتدعي إن أنا اتحرشت بيها".

وأضاف: "أول حاجة بالنسبة لكلامها معايا على إنستجرام ده مش حقيقي، لأن المحادثة بينا على إنستجرام كانت الساعة 6، وعلى حسب كلامها أنا طلبت منها نتكلم بعدها على الواتساب، في الإسكرين شوت بتاعة الشات بتاعها، ظهر إن شات واتساب الساعة 4 يعني قبل الإنستجرام، وده أول توضيح".

وتابع اليوتيوبر: "هناك فويس نوت أظهرته بصوتي، لم أنكر أنه صوته، بل هناك توضيح آخر، أنا أرسل صوتي لجميع طالبي الإعلانات للتأكد من هويتي وإرسال المبلغ المالي لي"، مضيفًا: "الرسالة الصوتية اللي أظهرتها الرسالة كانت مُحولة يعني مش عندها، فبالتالي هي أخدت الرسالة المُسجلة من حد تاني".

وأوضح أن تلك الفتاة تم استخدامها ضده من قبل شخص ما، لأن جودة الفيديوهات الخاصة بها على قناتها سيئ، أما فيديو اتهامه كان بجودة عالية، مع تواجدها داخل استديو مُخصص للتصوير".

واستكمل أحمد حسن: "البنت دي عاوزة تتشهر، وعاوز تجمع مُتابعين.. طبعًا تتكلم على أحمد حسن وزينب عشان تعمل حملة، والشات ملعوب فيه لأن علامة التوثيق ظاهرة جوه الشات.. متخلوش حد يضحك عليكم ويشتغلكم".

واختتم اليوتيوبر، قائلا: "هي عاوزة تتشهر وتتنجم على حسابي وحساب زوجتي وبنتي.. حسبي الله ونعم الوكيل