منتج فيلم "مش أنا" يفند إدعاءات حلا شيحة :"تامر حسنى نفذ كل طلباتها وغامر بحذف المشاهد لارضائها"

كشف أحمد دسوقي أحد منتجي فيلم "مش أنا" تفاصيل جديدة حول مشاركة الفنانة حلا شيحة فى الفيلم مع النجم تامر حسني، بعد حديثها عن العمل السينمائى بطريقة غير موفقة وكأنها أرادات الشوشرة على نجاح الفيلم وإيراداته غير المسبوقة.

وقال المنتج أحمد دسوقى "كل اللي طلبته حلا تامر نفذه و زيادة ومكانش ليها أي طلبات بخصوص الكليب وتامر وقف في ضهرها وصمم يشيل كل اللي طلبته وعارض كل جهات الإنتاج عشان كان في خطورة على دراما الفيلم وتحملها تامر على عاتقه وفتح الفيلم تاني مع المخرجة ومعايا شخصياً وبقينا بنشيل وبنحاول نحل الدراما بطريقه تانية مرهقة ومتعبة جداً". 

وأضاف المنتج : "تامر عشان خاطر ارضاء حلا فضل قاعد في المونتاچ أسبوع كامل بيحل أضرار حذف المشاهد اللي طلبتها حلا عشان السياق الدرامي ميتأثرش بالسلب والحقيقة ان كل جهة الإنتاج كانوا رافضين الحذف لإن دا شغل و كل حد اخد أجره عليه وماينفعش نبوظ فيلم بيتصور في سنتين وبيتحضر في سنة وفيه نجوم كبار عشان استاذة حلا وصلت فجأة للسلام النفسي مع نفسها". وأكمل:"هل من الصح انها تدي نفسها الحق انها تتهم و تشكك في النوايا والعقائد الدينية لناس وقفوا جانبها دا كلام لا يعقل و مرفوض تماماً و انا مصدوم من تصريحات حلا تحديداً في حق الراجل الوحيد اللي كان في ضهرها و كمان حارب عشان يجيبلها اجر كبير جداً عشان يرفع من روحها المعنويه بعد ما طلبت منه يساعدها عشان ترجع في السينما بقوة و للعلم".

واختتم:" كلمة حق قدام ربنا في حق الراجل دا عشان أجرها المادي يكبر تامر خصم من أجره الشخصي عشان يتحط عند حلا دا غير انها مكانتش بترد علينا كلنا قبل طرح الفيلم نهائى، كان ممكن يا حلا تتكلمي معانا كلنا او تيجي تشوفي الفيلم قبل نزوله ونحل كل شيء بمنتهى الود و الإحترام معرفش ليه عملتي كدا و كلنا كنا جانبك".

وتعرضت حلا هجوم كاسح من الجمهور والوسط الفنى، بعد إثارة البلبلة والشوشرة عبر صفحتها على موقع "إنستجرام"، عقب النجاح الكبير الذى يحققه فيلم النجم تامر حسنى "مش أنا"، بحصده أعلى إيراد فى تاريخ السينما المصرية والعربية، وذلك بحديثها عن التوبة، والمتناقض مع أحاديثها السابقة بخصوص الفن، ما أدى الى هجوم كبير عليها سواء من الوسط الفنى أو من الجمهور. ورد الشاعر الغنائي خالد تاج الدين على منشور حلا شيحة وكتب:«ربنا يثبتك وتحلي عنا بقي، ما هو مترجعيش تعملي شوية فلوس زي الفل وبعد كدة تشتمى الفن، وياريت تتخلصي من كل الفلوس اللي قبضيتها في السنتين اللي رجعتي مثلتى فيهم علينا"، وتهكمت الفنانة رندا البحيرى على المنشور الأخير لشيحة، قائلة: «هو محدش قال لحلا إن باب التوبة مش موجود عالإنستجرام، حد ياخد بقي منها الموبايل بسرعة»، وتابعت: «هو محدش فهمها أن اللي بتعمله ده ممكن يعرضها للمسائلة القانوينة".