فتاة "فوتوسيشن" سقارة: "عندي متابعين عرب وهدفي الترويج للسياحة"

وقالت سلمى الشيمي: «أنا رأس مالي الصورة، وأهلي بعد انتهائي من التصوير كانوا مبسوطين جدًا منه، واتفاجئوا لما الدنيا اتقلبت بعد كده».

وأضافت خلال لقاءها مع الإعلامى شريف عامر ببرنامج «يحدث في مصر» المذاع عبر فضائية «mbc مصر»: «بعد اكتشاف الـ52 تابوت قررت إنى أعمل فوتوسيشن فى منطقة سقارة، وأنا عندى عرب ولما بنزل أى صورة العرب دول بيسألوا المكان فين علشان يصوروا فيه، وكان كل هدفي الترويج للسياحة، وبتمني يبقي معايا فريق، وبتعامل مع مصورين كتير جدًا، وأنا شوفت ناس مش لابسين أصلًا وراحوا اتصوروا عند الهرم».

وقالت: «أنا لست باحثة عن الشهرة ولا يوجد أحد يرغب في إيذاء نفسه، ولكن بالتأكيد كل شخص يسعى للشهرة في مجاله، وكان لدى حساب على انستجرام وتم إغلاقه، ولدى على فيسبوك 180 ألف متابع».

ووجهت «سلمى» اعتذارا إلى وزارة الآثار السياحة والمتابعين الذين أبدوا انزعاجهم من الصور قائلة: «بتأسف لكل الناس اللي زعلت، وأسفة جدًا لوزارة الآثار لو كنت عملت حاجة غلط».