حرم الرئيس السيسى: "بينسى هموم الدنيا لما بيشوف أحفاده"

قالت السيدة انتصار السيسي، حرم الرئيس عبدالفتاح السيسي إن الأحفاد بالنسبة لها وللرئيس السيسى أجمل شيء في الدنيا، قائلة: «بالرغم من الأعباء الكثيرة التي يحملها ويحمل همومها، بمجرد ما يدخل البيت ويلاقيهم حواليه وكلهم بيبقوا فعلا ربنا بيبعتهم علشان يخففوا عنه وخصوصا إن معظمهم بنات وهو بيحب البنات ودي بالنسبة له سعادة تانية».

وأضافت حرم الرئيس السيسي، خلال حوارها مع الإعلامية الكبيرة إسعاد يونس، عبر فضائية «dmc»: «أيام زمان ماكنش عندنا مشكلة تعتبر فيها أرق، والحياة كانت جميلة وبسيطة وهو كان متعود يعتمد على نفسه وكان حاطط خطة لنفسه، وقالي ساعديني فيها علشان عايز أعمل نفسي بنفسي وهو كان حاطط خطة قدامه اللي هو السفر لأن فيه نقلة من الناحية العلمية وكان بيتمنى أنه يسافر».

وتحل السيدة انتصار السيسي حرم الرئيس عبدالفتاح السيسي ضيفة علي الإعلامية الكبيرة إسعاد يونس، فى لقاء خاص واستثنائى، عبر شاشة قناة «dmc».