السيدة انتصار السيسى: الرئيس ورث حسن الإدارة من والده

قالت السيدة انتصار السيسى، حرم الرئيس عبد الفتاح السيسى: «أنا عندى أخ كبير وبعديه أختي وبعدين أنا وبعدين مصطفى أخويا الله يرحمه أصغر واحد فينا».

وأضافت حرم الرئيس السيسى، خلال حوارها مع الإعلامية الكبيرة إسعاد يونس، عبر فضائية «dmc»: «والدى دائمًا كان يقولى احتفظي بهدوءك وطبيعتك الجميلة متغيريهاش، لأني واخدة الطبيعة دى من بابا، هو إنسان هادى جدا جدا، وكلامه قليل وبيميل للهدوء والراحة، وهو كان بيحب الصيد ويحب يروح مع أصحابه رحلات صيد كتير، ودى اللى خلته طبيعته تبقى هادية».

وعن والد الرئيس عبد الفتاح السيسى، قالت: «باباه طول عمره إنسان جاد، والمحلات بتاعة خان الخليلي بالرغم إنها كانت كتير إلا أنه بيديرها إدارة رائعة وأولاده كلهم خدوا منه حسن الإدارة، وكان عنده كمية عمالة كتير جدا، وهم خدوا منه الالتزام».

وتحل السيدة انتصار السيسي حرم الرئيس عبدالفتاح السيسي ضيفة علي الإعلامية الكبيرة إسعاد يونس، فى لقاء خاص واستثنائى، عبر شاشة قناة «dmc».