عاجل.. السيدة انتصار السيسي تتحدث عن بداية ارتباطها بالرئيس

روت السيدة انتصار السيسي، حرم الرئيس عبدالفتاح السيسي، أول لقاء بينهما، قائلة: «هو جه عند جدتي اللي هى خالته، أول ما كلمني ماحستش إنه واحد جاي يحب، دا بيقولى إنت بتذاكري كويس، وقالى ورينى كده - كنت عاملة جدول امتحانات – قالي ذاكري كويس، لأن المذاكرة دي هي اللي هتوقف جنبنا، قلتله: جنب مين؟ أنا أصلا لسه يدوب بتعرف».

وأضافت حرم الرئيس السيسي، خلال حوارها مع الإعلامية الكبيرة إسعاد يونس، عبر فضائية «dmc»: «كانت البداية فيها جدية، تحسسك إن الإنسان دا مسؤول، واتكلمنا وعرفت منه إيه السبب اللى خلاه يبقى عاوز المواصفات دي، لأنه هيبقى ضابط، وهيبقى مسؤول، ومش هيكون متواجد بالبيت فعاوز اللي يختارها تكون قد المسؤولية اللي هتمشي معاه مشوار حياته».

وتحل السيدة انتصار السيسي حرم الرئيس عبدالفتاح السيسي ضيفة علي الإعلامية الكبيرة إسعاد يونس، فى لقاء خاص واستثنائى، عبر شاشة قناة «dmc».