طريقه عمل الجبنه القريش
04:17 م - الثلاثاء 13 فبراير 2018
كتب
ايمان يوسف
الجبنه القريش
2 كيلو لبن حليب بلدي حاتحطيهم في طاجن فخار سخن من غير ما تغليهم وبعد كده تكوني قايده الفرن ومطفياه حطي الطاجن في الفرن لحد ما اللبن يروب هو اخد معايا يوم كامل حاتلاقي قشطه إتكونت على وش الطاجن شليها وبعدين حطي اللبن الرايب في حصيره أو شاشة وعلقيها لحد ما الجبنه تصفي ميتها وينزل الشرش كله وسبيها كده حوالي 5 ساعات وبعد كده قطعيها والف هنا وشفا.
ملحوظه اللبن حايطلع منه قشطه ممكن تحوشيها وطلعيها سمنه وحايطلع كمان شرش حاتستخدميه في أي معجنات الاثنين كيلو لبن عمل معايا 5 قطع جبنه قريش.