أبرزها "إذا ماخدناش بالنا بلدنا هتضيع".. 5 رسائل السيسي للشعب خلال جلسة "إسال الرئيس"

وترصد "الشوري" في التقرير التالي رسائل السيسي، خلال جلسة "اسأل الرئيس"..

1- اللى كاتبه ربنا هيكون:

جاءت إجابة الرئيس، حول ترشحه لفترة ثانية، كالآتي: "أنا مش هجاوب السؤال كده.. أنا هقول للمصريين اوعوا في أي انتخابات لأي رئيس.. اوعوا ما تنزلوش.. ده يوم بيتحدد فيه مصير مصر.. فما تستخسرش يوم في مصر ولو هتقف 10 ساعات.. لازم العالم يشوف إن إرادتنا في إيدينا.. زي ما قالوا إزاي إحنا مستحملين الإجراءات والوضع دلوقتي.. فده يدل إنهم متابعين وراصدين الموقف".

مضيفٱ: "اللي كاتبه ربنا هيكون..أنا لو مؤمن بالله صحيح وبمارس أيماني هرضى بكل تواضع شكرا سلاموا عليكوا.. إحنا بنتكلم على دولة عايزين نطمن عليها لأودلانا.. الأساس فيها إنكم تختاروا.. وروا الدنيا كلها إنكم بتختاروا اللي هيقود وبعد كده ربنا يولي من يصلح".

2- :اذا ماأخدناش بالنا بلدنا هتضيع:

قال السيسي، في رده على سؤال حول أزمة جزيرة الوراق: "شوفوا مصر خلال السنين اللي فاتت كان في تجاوزات كتير أوي أوي.. ولما أعلنا حملة إزالة التعديات حجم التعديات على الأراضي الزراعية وصل 2 مليون فدان.. وحجم التعدي على أراضي المباني وصل لـ 160 مليون متر.. مين ياخد دول بأي حق وياخدهم ليه".

موصلا حديثه: "الوراق كجزيرة أكبر من الزمالك في أرضها، شوفوا الأرض لما اتخططت واتعملت بقت الزمالك.. ولما ما اتخططتش بقت إيه دلوقتى.. الأخت اللي بتقول هيخرجوني من بيتي لا مش هيخرجوكي من بيتك.. هنعملك بيت بس ما حدش يتوقع إن الدولة ضدك ماتخليش رؤيتك للأمر على مصلحتك الشخصية فقط.. إذا ماخدناش بالنا بلدنا هتضيع".

3- بطاقة التموين:
رد "السيسي"، على سؤال حول منظومة الدعم الصحي، قائلًا: "شغالين فيها منذ عامين، بهدف الحصول على معلومات بشكل صحيح ودقيق، بطاقة التموين هي أكثر آلية بجدارة نستطيع من خلالها الوصول إلى مستحقيه، نعمل حاليا على استكمال قواعد البيانات لاتخاذ القرارات بصورة دقيقة، عملية إنشاء قواعد بيانات دقيقة، تستغرق وقتًا كبيرًا، لأن مدى دقة هذه البيانات، يتم اتخاذ الإجراءات".

4- إجراءات حماية اجتماعية لتحسين حياة الشعب:

وتحدث السيسي أيضًا عن وجود إجراءات حماية اجتماعية، فقال: "بالطبع، وهناك إجراءات للحماية في الفترة المقبلة.. الحزمة اللي فاتت اتكلفت 85 مليار جنيه.. لو مكناش قدرنا بإجراءات تسمحلنا ناخد أموال نضخها وننظم الدعم للناس.. وكل ما الموقف يتحسن هنحسن أحوال الناس أكتر".

5-دعم الشباب ماشي كويس:

وحول وجود خطة لدعم الشباب، قال السيسي: "القطاع المصرفي مؤهل، لكن هل نحن كشباب لدينا مكاتب ومشاريع لها دراسات جدوى؟.. القطاع المصرفي لدينا كويس جدًا.. حجم الأموال التي أخذت من الـ 200 مليار رقم كويس.. الموضوع ماشي كويس.. لأن الارقام بتتكلم والنتايج هي اللي بتحكم".