الرمان أقدم الفاكهة تواجدا فى برديات الفراعنة ، فهو رمز الرخاء، حيث كان يوضع مع الموتى فى القبور، حتى إذا

جريدة الشورى,اخبار مصر,اخبار مصرية,اخبار الرياضة,اخبار الفن,اخبار الحوادث,اخبار الصحة,مراة ومنوعات,حظك اليوم,اخبار الاقتصاد,رياضة,عملات,بنوك,الرئاسة

رئيس مجلسى الإدارة و التحرير
محمود الشويخ
رئيس مجلس الأمناء والعضو المنتدب
محمد فودة
رئيس مجلسى الإدارة و التحرير
محمود الشويخ
رئيس مجلس الأمناء والعضو المنتدب
محمد فودة

إنتى جميلة وإنتى بتاكلى رمان

رمان  الشورى
رمان


الرمان أقدم الفاكهة تواجدا فى برديات الفراعنة، فهو رمز الرخاء، حيث كان يوضع مع الموتى فى القبور، حتى إذا ما حاول أحدهم سرقة القبر.. قام المتوفى وخبطه بالرمان على طول.

الرمان هو رمز الجمال، فهو من أعاجيب الدنيا، وأسرار الجمال، الفرعونى.

المشكلة بئى مش فى إن الفراعنة حطوه فى قبور الموتى، لاء كمان الهكسوس لما غزوا مصر، لاسرقوا دهب ولا ياقوت، لاء دول سرقوا رمان، عشان يزرعوه فى بلادهم.. شوف ياجدع.

ومن أول سيدنا موسى عليه السلام، قال إنه رايح لأرض الرمان.. واللى هى طبعا مصر.

ومش عاوزة أفاجئكم بس اليهود اعتقدوا إن الرمانة الواحدة فيها ٦١٣ بذرة، وقالوا إن كل بذرة هى رمز لمعلما من دينهم.

أما عند الإخوة المسيحيين بئى فالرمانة هى الثمرة الوحيدة اللى باينة فى صورة السيد المسيح مع أمه مريم العذراء.

طيب تعالوا بينا نشوف رأى الإسلام قال إيه، الإسلام جعل الرمان من ثمار الجنة فقال "فيها فاكهة ونخل ورمان".. هو أنا بحبه من شيء شوية.

طيب تعالوا نشوف فى مصر بيقولوا إيه ع الرمان... أم الدنيا مصر، مدحوا الرمان حتى قالوا.. إدحرج واجرى.. يارمان.. وتعالى على حجرى.. يارمان... الموضوع شارح نفسه، كفاية إحراج يا أم الدنيا.

أما بئى الصين، مهد الأبحاث والعلوم، قامت بالإختبارات الشاملة على فاكهة الرمان، وكان البداية بإكتشاف تأثير الرمان على جمال المرأة اللى بتتعرض كل يوم للشمس فترة طويلة.. وده طبعا اللى يهمنا.. ناس بتفهم والله.

قسمت النساء إلى مجموعتين متماثلتين: 
_الأولى تشرب يوميا 200 ملم رمان يوميا لمدة 12 أسبوع.

_الثانية مشربتش ولا ملم واحد من الرمان.

تعالوا بعد12 أسبوع فحصوا الستات دى، وأثر الشمس عليهم وكانت المفاجأة المتوقعة، المجموعة اللى شربت الرمان كانوا زى الفل، إلتهاب خفيف فى البشرة، على عكس المجموعة التانية كان الإلتهاب أكبر بكثير.

طيب تعالوا نشوف السبب العلمى إيه: 
المجموعة الأولى والتى شربت الرمان يوميا، أصيب بضرر خفيف فى البشرة، وذلك لإحتفاظهم بتكوين الكولاجين، إثر المداومة على شرب الرمان، على عكس المجموعة الثانية والتى لاقت الكثير من مشاكل البشرة بسبب أشعة الشمس.

طيب بالبلدى كده عاوزة أقولكم إن شرب الرمان بيحافظ على بشرتك من الشمس وكمان بيغذى بشرتك بالكولاجين، البكتريا النافعة بتتواجد بكثرة بعد شرب الرمان، وبتقل الضارة بشكل ملحوظ، وخلينى ءأكدلك إن مفيش أى مستحضر تجميل هيديكى التلات فوايد دول مع بعض.

شوية نصايح ع الماشى:
تعالى يافوزية أما أقولك على كام نصيحة حلوة، إعملى بيهم عشان تحلوى وتعرفى تشقطى الكراش.

أول نصيحة: إشربي كل يون كوباية عصير رومان.. مش قهوة ولا شاى ولا الحاجات اليع دى.

النصيحة التانية يا أوخشتى: إوعى تعمليه بالسكر، تؤ تؤ تؤ عيشي بالعسل هتلاقى مشروب جامد هيخلى صحتك حديد.

النصيحة التالتة: إوعى تضربيه فى الخلاط، خالص اقعدى كده بمزاج يافوزية، وقصصيه وحطى عليه 3 ملاعق عسل أبيض، وزودى حبة ميا، وبالمعلقة وبالهنا والشفا.

النصيحة الرابعة واللى فيها البهاريز كلها: استمرى طول موسم الشتا بتاكلى رمان، وراقبي فى الوقت ده بشرتك، وكمان معدتك وقولونك، هتلاقى إن صحتك بدأت تتحسن وشعرك بيطول وينعم، والسنان واللثة قوية هتخلى ضحكتك فى وشك تنور وتفقعى مرارة العوزال، وزغردى يا أوخشتى.