بعد السرطان.. شريف مدكور يكشف إصابته بمرض جديد

اعتذر الإعلامي شريف مدكور لجمهوره بسبب غيابه عن مواقع التواصل الاجتماعي خلال ‏الفترة الماضية، خاصة متابعيه من مرضى السرطان، الذين يستمدون القوة من الفيديوهات التي ينشرها للتوعية بهذا المرض.‏

وكشف مدكور سبب غيابه قائلًا: "أي حد بياخد كيماوي مناعته بتقل، دي حاجة معروفة، أنا كابرت شوية وبقيت أنزل ‏الشغل واعافر واشتغل زي ما أنا، وأنزل وأخرج وأسوق العربية وأعمل كل حاجة، في بعض الإرشادات اللي كانت متقالالي وأنا ‏معملتهاش، الناس اللي كانت بتسلم عليا كنت بسلم عليهم وببوسهم، فأنا جالي فيروس بقالي خمس أسابيع الفيروس ده في الدم ‏وموجود عند كل الناس بنسب قليلة".‏

وأضاف: "أنا مش عارف اسمه إيه هو موجود عند كل الناس بس بنسب قليلة من 100 لـ 150، أنا طلع عندي 900، وده أدى إن درجة ‏حرارتي بقالي خمس أسابيع واصلة لـ 39 ونص، هو مالوش علاج غير إن الجسم يحاول يتخلص منه، وده اللي بيحصل لكن أنا عندي أنيميا ‏بسبب الكيماوي والمناعة قلت عندي وده طبيعي جدا"، مشيرا إلى أنه توجه إلى إحدى المستشيفات لنقل كيسين دم ، حتى يتمكن جسده من القضاء على الفيروس.

وطمأن متابعيه، بقوله: "مش عايز أي حد من مرضى السرطان يقلق الموضوع مالوش دعوة بالكيماوي أوي، أنا اللي ‏أهملت نزلت وكنت بشتغل عادي وده مكانش ينفع، كان مفروض أريح شوية بس مقدرتش عافرت، الحمد لله اتحسنت شوية مش ‏هقدر أقول اتحسنت أوي".‏

وتابع أن ارتفاع درجة حرارته لمدة خمسة أسابيع متواصلة أجهده واضطره للاعتذار عن ‏أيام عمل كثيرة، لأنه لا يتعاطى أي نوع من الدواء ليساعده في هذه المحنة سوى خافض للحرارة من نوع معين لا يسبب له حساسية.‏

وطالب مدكور كل من يخضع للعلاج الكيماوي أن يتخذ احتياطات السلامة ويتوقف عن مصافحة ‏الناس باليد أو تقبيلهم، لأنه لم يستمع لهذه الإرشادات وهذا ما تسبب له بالإصابة. ‏