اعرفى ازاى تدخلى الشيميز فى البنطلون او السكرت

شكل الشيميز لما  بندخله فى الجيبة او البنطلون بيبقى حلو جدا لكن لازم تعرفى ازاى تدخلى الشيميز فى البنطلون وامتى تدخلي التوب او البلوزة من قدام بس ، او من وراء بس او تدخليها كلها ..

دخلى الشيميز كله فى البنطلون او الجيبة : علشان يبان اللوك بتاعك بروفيشنال أكتر والحركة دى بتبقى حلوة اوى على الجيبات الطويلة .

دخلى الشيميز من قدام بس : الحركة دى بتحدد و سطك و تبينه احلى من غير ما تبين اى عيب او اى منطقة مليانة فيه ، مناسب لاغلبية البلوزات اللى ممكن تلبسيها و الحلو فيها انك ممكن تلبسى حزام كاكسسوار و تبينيه و بيبقى شكله حلو جدا ، كمان هتخلى اللوك بتاعك يبان اليجانت و Trendy.

دخلى طرف واحد من البلوزة او القميص : علشان يبان اللوك بتاعك كاجوال و الطريقة دى بتبقى احلى و مناسبة اكتر مع القمصان و التيشيرتات الواسعة الفضفاضة.