لاعب الأهلى السابق.. حصلت على الهداف بعد انفعال حسام غالى عليا

علق سيد حمدى لاعب النادى الأهلى السابق، على علاقته بحسام غالى كابتن الفريق خلال فترة تواجدهم مع بعض فى معسكر للمنتخب الوطنى.

وكتب حمدى، عبر صفحته الشخصية موقع التواصل الاجتماعى "فيس بوك"، قائلا: أول مرة نتقابل أنا وهو فى المنتخب وقتها كنت أنا فى بتروجيت، وقعد يزعق ليه فى التمرين وبليل أقعد معاه عادى وكنت بنام معاه فى أوضة واحدة ولما كان ينام بدرى يخلينى أنام غصب عنى ومن جوايا كنت مضايق وكنت أقوله ليه بتعمل كدا معايا يقولى آخر البطولة هتعرف، كانت بطولة ودية وقتها المهم خدت أحسن لاعب وهداف البطولة ومن يومها لحد وقتنا الحالى عرفت إنى كنت بلعب مع لاعب كبير بمعنى الكلمة هتحرمنا من متعة كرة القدم وداعا كابتن حسام غالى.