أهمها "أروح بس الـ100 مليون يعيشوا".. 6 رسائل من "السيسي" للمصريين خلال افتتاح حقل ظهر

12:44 م - الأربعاء 31 يناير 2018

كتب

دعاء رحيل

الرئيس عبدالفتاح السيسي - أرشيفية

وجه الرئيس عبدالفتاح السيسي، عدة رسائل للمصريين خلال كلمته فى افتتاح مشروع ظهر للغاز الطبيعى بالبحر المتوسط، أهمها "لوحد فكر إن يلعب بأمن مصر هاطاب تفويض منكم تاني".

تفويض ثاني

قال الرئيس عبدالفتاح السيسي للمصريين: "لو حد فكر إن يلعب بأمن مصر هاطلب منكم تفويض تانى، لأن هايبقى فيه إجراءات أخرى ضد أى حد يعتقد إنه ممكن يعبث بأمنها وإحنا موجودين".

العمل الجاد

أكد الرئيس عبد الفتاح السيسي، أن مصر لن تُبنى إلا بالعمل الجاد والإنجاز الحقيقى، وليس بالأداء السياسى المستند للكلام فقط، قائلا: "أنا مش سياسى بتاع الكلام، والبلد ما بتتبنيش بالكلام".

وأضاف الرئيس السيسي، فى كلمة خلال فعاليات افتتاح الإنتاج فى حقل ظهر المنعقد الآن فى محافظة بورسعيد، أن مصر مرت بظروف بالغة الصعوبة، وكانت تحتاج 1.2 مليار دولار لتوفير المواد البترولية شهريا، حتى يجد المواطنون البنزين والغاز، مشددا على أنه لا يقصد إشعار المواطنين بالقلق، ولكن على الجميع معرفة طبيعة الظروف التى تشهدها مصر، والتحديات التى تخوضها، وأن مصر لن تُبنى إلا بالعمل وليس بالكلام.

العمل مستمر في مصر

كما أكد الرئيس عبد الفتاح السيسى، أن الانتاج والعمل مستمر فى مصر بسبب وجود دولة تحافظ على مصالح المواطنين، قائلا: "الدنيا مش بتشتغل لوحدها والدنيا بتشتغل لأن وراها دولة بتشتغل ووراها بلد بتعيش وناس مسئولة بتحافظ عليها ومحدش يتكلم على بلده ويبقى عايز يضيعها وينسى حقوق الـ100 مليون مصرى".

أروح بس الـ100 مليون يعيشوا

وحذر الرئيس السيسى، فى كلمة خلال افتتاح حقل ظهر، المتربصين من الاقتراب من أمن مصر وأمن شعبها، قائلا:"ميصحش حد يفكر يلعب فى أمن مصر واحنا موجودين علشان محدش يلعب فى أمن مصر".

وخاطب المصريين: "قبل ما حد يلعب فى أمنك يا مصر ويضيع الـ100 مليون لازم أكون مت الأول، وإللى عايز يلعب فى مصر ويضيعها لازم يخلص منى أنا الأول لأننى لن أسمح بذلك.. أروح بس الـ100 مليون يعيشوا".

وتابع فى حديثه للمتربصين بمصر: "اللى اتعمل فى مصر من 7 و8 سنين مش هيتكرر تانى فى مصر".

المهندس شريف من أفاضل الناس

قدم الرئيس عبدالفتاح السيسي، الشكر لرئيس شركة إينى، كلاوديو ديسكالزى، مؤكدا أن الرجل تحمل كثيرا وأثبت على قوة العلاقات بين مصر وإيطاليا، متابعا بقوله: "مطلبناش منه طلب إلا وكان قد التحدى وبكل الكفاءة ونفذها فى التوقيت المطلوب وبكل كفاءة"، مشددا على أن شركة إينى الإيطالية كانت على قدر المسئولية ونفذت وعدها معنا".

وأشاد الرئيس السيسي خلال كملته فى افتتاح حقل ظهر، بالمهندس شريف إسماعيل قائلا: "المهندس شريف من أفاضل الناس اللى شوفتها فى حياتى، مبجاملش فى كلامى مع حد، وهو رجل، ولما جاب الخبر السعيد بتاع الحقل كان وزيرا للبترول".

مش هانسيب موضوع ريجينى

قال الرئيس عبدالفتاح السيسي، "مش هانسيب موضوع ريجينى إلا لما نجيب الجناة ونحاسبهم ونقدمهم للعدالة فى مصر".