شاعرة تكتب قصيدة لشمال سيناء بعنوان "قلب مصر سيناء"
04:47 م - السبت 27 يناير 2018
كتب
علي طلعت
كتبت الشاعرة أمال محمد من محافظة أسيوط قصيدة لشمال سيناء تحت عنوان "قلب مصر سيناء" ، حيث وصفتها بالأرض الطاهرة المباركة ، مؤكدة علي أنها ستفوق من محنتها كما عودتنا تاريخيا .
نص القصيدة:
سينا الأرض الطاهره الطيبه
من قلب كل عربى قريبه
ساكنه جوانا حته منا
عن جمالك ياما حكينا وياما قولنا
ترابك ياما سال عليه الدم
عمرك ما توقعى بترجعى أقوى وتخلى الشمل يتلم
ف عز حزنك على أولادك على جنودك
عمرك ما طاطى أو توطى صوتك
سينا اسمك عالى
يا مهد انتصارنا
عشانك ولادك بتسهر الليالى
مش هنسيبك ولوهنشوف الموت قدامنا
يا قلب مصر من جوه
ياجميله ياعظيمه يا أصيله
بتحاربى عدوك بقوه
ولا تشوفى ولادك ذليله
راسك دايما مرفوعه
ف كل شبر فيكى رجاله
حتى وانتى موجوعه
حالفه تحافظى على الأمانه
ما انتى يا سينا قلب مصر
والقلب لو يقف مصر تموت
حالفه تجيبى لبلادنا النصر
جواكى أجدع وأشجع جنود
بنعشق كل رمله فيكى
بندعى رب العرش يحميكى
يا صابره ياشياله الهموم
أموت ولا أشوفك تبكى ف يوم
انت الضحكه الجميله
انت بلد الأحرار
بعشقك يا سينا
يا موطن الثوار
يا أرض الفيروز
يا مهد الأنبياء
اسمك اغلى من الكنوز
يا موطن الشهداء
قلب مصر سينا.