السبت 20 أبريل 2024 - 16:4013 فكرة لون شعر للبشرة الفاتحة
02:53 م - السبت 6 يناير 2018
كتب
ايمان يوسف
صورة أرشيفية
كل البنات بيحبوا التغيير والتجديد في اللوك وبيدورا دايما على الوان شعر جديدة, والنهاردة هنساعدك في المهمة دي وجايبين لكل بنات حوا افكار الوان للشعر للبشرة الفاتحة.
افكار الوان للشعر للبشرة الفاتحة:
1- Wheat & Caramel Blonde :
ممكن تضيفي حجم لشعرك باستخدام اكتر من درجة لون, زي فكرة اللون دي الاطراف باللون ال Blonde الغامق, والجزء اللي فوق من الشعر بدرجة افتح.
2- Bright Golden Blonde:
لو ايزة لوك سكسي وملفت اكيد هيكون اختيارك اللون الدهبي المشرق, من الالوان المميزة جدا اللي بتليق على البشرة الفاتحة.
3- White Blonde:
لو بشرتك فاتحة ده مش معناه انك لازم تعتمدي على الوان الشعر المتناقضة, وناخد مثال من ايما ستون اعتمدت على اللون الاشقر الفاتح.
4- Gray Blonde:
لو عايزة لوك غامض ومختلف اكيد هتختاري اللون ال Gray Blonde او الاشقر الرمادي, ممكن تعملي الجذور بالرمادي الغامق وباقي الشعر بدرجة افتح.
5- Golden Blonde:
لو مش حابه تختاري لون جريء اوي اللون ده هيكون مناسب ليكي جدا وهو الاشقر الدهبي، ويعتبر اقرب للون من لون الشعر الاشقر الطبيعي.
6- Golden Platinum Blonde:
الاشقر الدهبي البلاتيني من الوان الشعر الجريئة والسكسي جدا المناسبة للبشرة الفاتحة.
7- Ombre:
تكنيك الاومبري من اكتر الالوان المناسبة للبشرة الفاتحة، وبيكون فيها تدريج للالوان ما بين الغامق والفاتح.
8- Fawn Brown:
ده يعتبر لون الشعر المثالي لو مش عايزة تعملي لون بني غامق اوي او بني فاتح اوي.
9- Dark Brown:
لو بتفضلي الالوان التقليدية ومش بتحبي اللوك الجريء يبقى اللون البني الغامق هيكون انسب اختيار ليكي.
10- Black And Brown Ombre:
لو شعرك اسود وانتي مش عايزة تغيري اللون بشكل كامل ممكن تستخدمي تكنيك الاومبري وتدخلي مع الاسود درجة لون بني.
11- Strawberry Blonde:
لو محتارة في الاختيار بين اللون الاشقر والاحمر لان الاتنين بيليقوا جدا على البشرة الفاتحة, في الحالة دي ممكن تختاري الاشقر المحمر.
12- Deep Red:
الاحمر العميق او الغامق من الالوان المناسبة جدا للبشرة الفاتحة.
13- Velvety Auburn Ombre:
اللون البرتقاني او لون اليقطين “القرع” من الالوان المميزة جدا والمختلفة اللي بتناسب البشرة الفاتحة.
