"فى زمن عز فيه الشرف".. تعرف على سبب هذه الجملة من السيسي للمصريين
02:29 م - السبت 23 ديسمبر 2017
كتب
أميرة السمان
أعلن الرئيس عبد الفتاح السيسي فى حديثه عن مدينة بئر العبد: "هنعمل مدينة جديدة تكلفتها 100 مليار جنيه تتمضن تخطيط عمرانى متكامل فى بئر العبد الجديدة خلال سنتين وهنعمرها".
وأشار السيسي إلى أنه يوجد خلف 152 ألف وحدة سكنية شرق الإسماعيلية الجديدة، يما يعنى إمكانية تسكين 300 لـ 400 ألف مواطن.
مضيفا: "نحن جاهزين نعيش الناس هنا حيث المدارس والمساجد والمستشفيات والكنائس وكل شىء، واحنا مش بنقول هنعمل.. لا احنا ان شاء الله عملنا".
ومن جانبه طالب الرئيس عبد الفتاح السيسي، المصريين بضرورة الثقة فى أنفسنا قائلا: "أنا مش ببيع الوهم وسوف تتفاجئون بالمشروعات، التى سيتم افتتاحها بجهد وعمل المصريين وشبابها من مهندسين وعمال وغيرهم.. إحنا مش بنجيب شركات تعمل طالما إحنا قادرين على ذلك.. أنا بطمنكم.. وأقصد بقلقى على المصريين وحدة المصريين وقلبنا على قلب بعض وبلدنا".
مؤكداً إن سبب ما نحن فيه هو دعم المصريين لبلدهم وصبرهم وتحملهم، معقبًا على أنه "لا أجاملكم فى ذلك وكل ما نستحمل أكتر كل ما نطلع لقدام اكتر .. وأوعوا تفتكروا إن النجاح من غير تعب, النجاح بتعب وتضحية وتحمل، وعلينا النظر لما أنجزناه اليوم ونقول الحمدالله إننا ماشين كويس".
وتابع: "نعمل فى كافة المجالات والمحاور ونعمل بالتوازي في كل المحاور المطلوب العمل فيها، لا تقلقوا أبدًا، خايفين من إيه.. دا انتوا تخوفوا الدينا كلها.. ربنا يخلى الناس كلها ويحفظكم واحنا مستعدين نضحى.. وأنا أولكم والله العظيم.. والله لا يمكن لأحد أبدا يمسك يا مصر ولا يمس ارضك طول ما احنا موجودين.. محدش يقدر يمس مصر ولا ارضها ولا شعبها بس نبقى كتلة واحدة ونثق فى الله وجهدنا المخلص والآمن والشريف، وأكررها فى زمن عز فيه الشرف" وذلك خلال افتتاحه عددا من المشروعات فى منطقة قناة السويس بالإسماعيلية