12:00 | 12 مايو 2017
رئيس مجلسى الإدارة و التحرير
محمود الشويخ
ads
أخبار عاجلة
ads
ads

"أب يستغيث" بزوير الصحة: "انقذوا ابني من مستشفي المجمع الطبي بطنطا"

الثلاثاء 24/أكتوبر/2017 - 10:15 ص
صورة أرشيفية
صورة أرشيفية
محمد شفيق
طباعة
بلال شاب لم يتجاوز الـ 23 سنة دخل مستشفى المجمع الطبي للتأمين الصحي في طنطا لكى يقوم بإجراء عملية جراحية وهى "فتق حجابي او فتق في الحجاب الحاجز" .

ويحكى أحد أقارب "بلال" كان يوجد جزء من الامعاء دخل جوه الحجاب الحاجز الدكتور اللي داخل يعمله العملية "قالنا متقلقوش" هو هيعمل زيادة فقط وفي مشكلة في الامعاء بسيطة ولكن الدكتور التانى كان قايل قبل العملية بكام يوم انه عنده فتق في الحجاب الحاجز واكتشفنا بعد كدا من دكاترة تانية انه كان مفروض يعمله سونار واشعة كتيرة قبل العملية ومعملش اي حاجة من دي قبل العملية.

واستكمل حديثة : "تخيلوا قاعدين يجي اسبوع في المستشفي بيجهزونا للعملية من غير ما يعملولنا الحاجات دي كلها وبعدين خرج من العمليات بعد مدة طويلة جدا وكان كل شوية الددكتور اللي داخل يعمله العملية يطلع ويجي دكتور تانى ولقينا بعد شوية الدكتور التانى ده طلع وجابوا دكتور تالت كبير وخرج من العمليات قالولنا لازم يدخل العناية واحنا وقتها مش عارفين ليه ولحد ددلوقتى للاسف علي جهاز تنفس صناعي بقاله 17 يوم وقالولنا انه محتاج يدخل يعمل عملية جراحة تانية ودخل فعلا عملها من حوالي 14 يوم وبعدين طلع دخل العناية تانى وقالولنا هيحتاج يعمل عملية تالتة ليه وازاي مش قادرين نفهم وهو دلوقتى حالته بتسوء جدداااا وعنده حرارة عالية جدا مبتنزلش نهااائي كل ما نروح نشوفه نلاقي حرارته عالية اوي ونسال الدكاترة يقولوا مبتنزلش خالص ومن كام يوم بقوا بيطلبوا مننا اكياس دم ليه كل يوم ودكاترة تقولنا هو في مشكلة في صدره هو اللي تاعبه ودكاترة تانية تقولنا ده هو محتاج يعمل عملية جراحة تانية في صدره ضروري بس مش هيعملوها دلوقتى واكتشفنا انهم شالوله الطحال كمان وعرفنا ان فيه دكتور اشعة جاله وعمله سونار واشعة وقال ان فيه تجمع صديدي في صدره او بطنه جوه في جسمه ومحتاج دكتور قلب وصدر وعملوله اشعة كتير بعد العملية وقولنالهم عاوزين نشوف تقرير الاشعة كل مرة يقولولنا الاشعة مش موجوده والاشعة تحت بيكتبوا تقرير ليها بقالهم عالحال ده يجي اسبوع وبلال قدامنا علي جهاز التنفس الصناعي وحرارته من اسبوعين مبتنزلش لا دي بتزيد قوي كمان وحاله بيدهور كل يوم عن اليوم اللي قبله وممرضه قالتلنا الجرح لما كتور الجراحة بيجي يغير عليه شكله وحش جدااا وبتقول الكتور قالها انه مش مقفله من جوه مقفله من بره بس يعنى ايه الكلام ده احنا مش فاهمين وليه الدكاترة بتقولنا دكاترة الجراحة هم اللي في ايدهم القرار وهم بيقولوا مش هيشتغلوه ولا يعملوله العملية وفي واحدة من العمال هناك بتقول ان الدكاترة بتوع الجراحة بيقولوا انهم خايفين يشتغلوها عشان بقي في مشكلة فيه بسبب دكتور الجراحة الاولانى فهيسيبوه وربنا يتولاه انا حاسس ان بلال بيضيع مننا ياريت تنقذوا شاب امه كل يوم بتنهار عليه من العياط وبتشوفه قدامها وهو بيموت بالبطئ احنا حاسين ان دكتور الجراحة ده عمل مصيبة في بلال خصوصا انه في وسط العملية جاب كذا دكتور كبير وطوول مدة العملية اوي بس مش عارفين نعمل إيه".