أقوي٣رسائل وجهها السيسي للشعب المصري من دمياط

تقرير / دعاء رحيل

وجه الرئيس عبد الفتاح السيسى خلال كلمته آثناء إفتتاح عدد من المشروعات فى دمياط عدة رسائل للشعب المصري أكد خلالها على حرصه بتفعيل القانون والمساواة بين فئات الشعب ،وإستيرداد الاراضي المنهوبة.

مفيش حد فى الدولة فوق القانون

قال الرئيس عبد الفتاح السيسى، إن هناك أشخاصا يستولون على أجزاء من أراضى الدولة ويتحدون بالحصول على حقوقهم منه هو شخصيا، متابعا: "مفيش فى الدولة حد فوق القانون وفوق الحق".

ووجه الرئيس السيسى، فى كلمته خلال افتتاح عدد من المشروعات القومية فى دمياط، حديثه لكل شخص يعتقد نفسه فوق القانون، بالقول: "مفيش حد فوق القانون وفوق الحق، وبأكد للمصريين إنهم قادرين على استعادة أرضهم، لأن دى أرض الناس وأرض مصر وأرض القادمين من أبنائنا، ولا يمكن أن نفرط فى متر أرض واحد".

وفى السياق ذاته، أعلن الرئيس عن عقد اجتماع مع قادة الجيوش والمناطق والمحافظين ومديرى الأمن نهاية مايو الجارى، للوقوف على آخر التطورات فى قضية استرداد أراضى الدولة المنهوبة، مستطردا: "إحنا آخر الشهر ده هنعقد القعدة، والمحافظين ومديرى الأمن وقادة الجيوش والمناطق وعشرين شاب من كل محافظة علشان نشوف إحنا عملنا إيه".

وأضاف الرئيس السيسي فى كلمته خلال افتتاح عدد من المشروعات القومية بمحافظة دمياط، "فيه أراضى كانت ناس حاطة إيديها عليها بتقول انها هاتاخد حقها منى انا، معلقا: مافيش فى الدولة حد فوق القانون وفوق الحق، وفيه ناس فاكره إنها فوق الحقوق وفوق القانون".

بلدنا تستحق أننا نستحمل شوية

قال الرئيس عبد الفتاح السيسي، "أنا عارف أن المصريين بيعانوا بس يارب يكون اللى أحنا هانعمله ثمن معانتنا فيه حقيقى، يا ترى بلدنا مصر ماتستحقش مننا أننا نستحمل شوية علشان نشيل صور العشوائيات من حياتنا".

وأضاف الرئيس السيسي فى كلمته خلال افتتاح عدد من المشروعات القومية بمحافظة دمياط، قائلًا "التحول إلى الأفضل ليس أمرًا بسيطًا، ولكن لا يصح أن نترك سكان المناطق العشوائية دون تحسين أحوالهم، أحنا بنغير علشان ناس ظروفها صعبة، وبنقولهم أن أحنا كلنا معاكو، ومش هانسيبكم تعيشوا هنا، ومش هانسيب أطفالنا يطلعوا كدة".

وتابع : "الأمور ليست بالبساطة التى تعتقدونها فى تغيير حياة شعب مصر إلى الأفضل، وفيه معاناة لازم ندفعها، طيب هانفضل نسيب نفسنا كدة، وتفضل حياتنا وحياة ولادنا كدة؟، لأ مش هاينفع، لأن ده مايصحش وماينفعش، ومانعش بقى لما نسيب بلدنا بالطريقة دى، ويقولولى خالى بالك الناس كدة مش هاتحبك، مايجراش حاجة بس ماتبقاش كدة، وكدة الشعبية هاتقل مايجراش حاجة، بس مش هانبقى كدة، لا يمكن طول ما أنا موجود مكانى والله ماسيب الناس كدة أبدًا".

وجه الرئيس عبد الفتاح السيسي، الدكتور مصطفى مدبولى وزير الإسكان، لتلبية طلبات أى مواطن يحتاج إلى وحدة سكنية، من أجل القضاء على المناطق العشوائية، مضيفًا: "لو فيه مواطن شغال فى قطاع خاص وعايز يشترى شقة كاش بالإسكان الاجتماعى نوفرها، إنشا الله يكونوا 5 مليون شقة هاعملهم الـ 5مليون شقة"

منبقاش رجالة لو سمحنا لحد يمد إيده على أرضنا

وجه الرئيس عبد الفتاح السيسى، كلمة إلى المحافظين والمواطنين فى نطاق كل محافظة يوجد عليها استيلاء على أراضى الدولة، قائلا: "منباقش رجالة وعندنا مروءة لما نسمح إن حد يمد إيده على أرض بلدنا ونسيبها له، وأى مأمور قسم أو مدير أمن أو محافظ أو مجلس محلى لا يسمح أنه يتسرق أرض بلده".

ووصف الرئيس السيسى فى كلمة بافتتاح عدد من المشروعات القومية بدمياط، كل شخص يستولى على أراض الدولة بدون حق بأنه "حرامى"، مضيفا: "اللى ياخد الأرض ده لص ومغتصب ودى أرض مصر واللى ياخدها بدون حق هو لص ومغتصب وحرامى أيما كان هو مين".

وتوعد الرئيس السيسى كل شخص يحصل على أموال الغلابة بالنفوذ أو غيره، قائلا: "طول ما أنا عايش على وش الدنيا وفى مكانى ده مش هسيب حد ياخد حاجة، واللى عايز يتحدانى فهو بيتحدى حق من حقوق ربنا فى الأرض وأنا معنديش مصلحة ومفيش بينى وبين حد مشاكل واللى بينى وبينك حق ربنا وحق الناس".