الحكومه ترفض عرض رجل اعمال بأنشاء مشروع ب5مليار دولار

الاحتياجات الخاصة وتشغيل الشباب وتسكينهم:-
اتفرجوا بقى معايا على الردود

1- موظف كبير فى الدولة احنا عندنا ملاجئ ودور ماتيجى تطوروها معانا ماعرفش نطور ايه مع انى الملاجئ والدورالعيال بتغتصب فيها وبتتسرق اعضائها وبتنتهك كل حقوقهم .

2- اعلامى امنجى او صحفى امنجى بص الراجل ده قال مع خيرى رمضان هايتبرع ب 5 مليار دولار وماتبرعش ده نصاب بيقولوا كدا مش انا اللى بقول ماتيجى نعمل جونال وقناة زى رجال الاعمال فى مصر وانا امسكها لك وندعمك وندعم مشاريعك منها، ولما ماتعملوش اللى عايزه يضرب فينا برده هههههههههه.

3-لواء ولا ماتعرفش خارج على رتبة مقدم وعامل لواء ويقولك ان ليا اسمى الجامد وانا ليا علاقاتى اللى تقدر توصل للريس على طول ويغيب يومين ويجى يقولك ده بيقولوا على محمد حواس ماعندوش حاجة فانا محتاج فلوس علشان اقدر اتحرك يااخى حتى 10000 دولار بنزين العربية ماعرفش ليه ده مشوار الاتحادية لو بالتاكسى من عند بيته مايمكلش 40 جنيه يااخى اديك 100 جنيه بس مش 10000 دولار. 

ولما ماياخدش اللى عايزه يقولك ده بيقولوا عليكوا نصابين جايين تاخدوا ورق علشان تجيبوا فلوس عليه، على أساس ان مصر ليها قيمة اقتصادية فى البنوك الاوروبية ماكانش حد غلب ايها الفيلسوف كان الريس راح جاب ال 14 مليار جنيه اللى محتاجهم علشان يعمل 150000 وحدة للعشوائيات.

4- سيدة مجتمع او هى عاملة نفسها سيدة مجتمع تدخل الاول وتمدح فى المشروع وتحاول تتلمع بيه ولما تقولها لالا المشروع مش للتلميع او تنسبيه لمؤسستك او تجيبلك واحد شحات وعامل بيه ويقول انا هاعمل وهاعمل وفى الاخر تيجى تقولك ده بيقولوا انكوا مش بتعملوا حاجة ولا بتكمولها للاخر.

كل دول من اللى ماخدش مننا رشوة او مصلحة او سبوبة او اننا مش من العائلات الميناسبة منهم فيهم
يبتدوا يضربوا ويقولوا اننا نصابين وحرامية وجايين نسرق مصر وعندنا اجندة مع انى والله فلاح ابن فلاح وماتعودناش نمسك اجندات هى نوتة زى بتاعت عم سيد اللى بيبيع اجهزة البنات اللى بتتجوز :)
ويكون ردهم حاجة تانية علشان تديهم اللى عايزينه تعالى اعمل حاجة صغيرة تبان بيها اعمل جراج اقوله بطلنا نشيل فوطة صفراء.

طب ايه رايك فى المشروع بتاعى ده جامد وهايجيب ارباحه بعد سنة طيب عندك حاجة لالا ماعنديش انت هاتموله بس ده الدخة بتاعتك وهايفتحلك ابواب السعد

حبيبى مصر لن تبنى باكشاك السجاير مصر بتنى بالمشاريع القومية الحقيقية والية تنفيذها وتمويلها الحقيقية.
وسأوضح لكم ما عرضه السيد محمد حواس مع الأستاذ خيرى رمضان .

ان السيد/ محمد حواس طلع مع خيرى رمضان وقال انه سوف يقوم بفتح خطابات اعتمادات لمصر فى البنوك الاوربية ب 5 مليار دولار لضخ فى مصر منتجات بترولية وغاز بهذا المبلغ ولن يطلب من مصر فوائد ولا راباح للقرض الحسن سوف ياخذ من مصر المبلغ فقط على مراحل وجدول زمنى كما يترائى للدولة بعد ماتستعيد قوتها فى الاقتصاد وسوف يعلى بذلك قيمة مصر اقتصاديا بدل ماهى TRIBLE C وواقعة فى البنوك الاوروبية ومافيش بنك عايز يعبرنا وانا اخدت الجواب بنفسى لرئيس الوزارة وقتها السيد الببلاوى واخذ منى الجواب مدير مكتبه بنفسه السيد عبد الفتاح المسلاوى بتاريخ 5/8/2013 رقم 9555 وكان فى الجواب ايضا المشروعين اللى كنا عارضينهم ايام البعدا حكومة الاخوان الفاسدة ايضا مشروع المدينة المليونية ومنخفض القطارة وبعد شهر قال لى مش فاضيين احنا مشغولين بمحاربة الارهاب .

ويقولوا لك انت عايز تجيب على الارض فلوس أى هبل فى اى كلام بيتقال وكله عامل فاهم.

وفى الاخر لما تشرحلهم يقولوا بس انت قلت هاتتبرع ب 5 مليار دولار وبعدين رجعت فى كلامك طب هو التبرع من امتى بيبنى اقتصاد طب التبرع هايفيد الشعب بايه،،،،!!!!!!!! واحنا ماقلناش هانتبرع .

عموما احنا مش حرامية ومش بتوع حلق حوش وماخدناش اراضى باقل من سعرها وهربنا ولا سرقنا فلوس البنوك ولا الريس قافل علينا الحنفية دلوقتى وعمالين نبيع فى املاكنا .
احنا بنبنى فى العالم كله من الثمانينات حتى الان .

السيد/ محمد حواس مصرى الجنسية ولم يحصل على جواز سفر انجليزى حتى الأن وليس له اى انتماء الى احد غير مصر وقام بتمويل مطار هونج كونج فى الثمانينات وهو اكبر مطار على جزيرة وسط الماء فى الصين ومدينة كنارى وارف اكبر مركز تجارى وبنكى فى انجلترا وغيرها من المشاريع القومية فى معظم دول افريقيا.

رغم كل التشويهات،، رغم كل التخوينات، رغم كل العقبات، رغم القذارة والمستنقع الذى انتم فيه ورغبتكم الدنيئة ان تاتوا بنا اليه نحن سنطهر مصر من امثالكم.

نعلم جيدا ان ضريبة التنمية وتعمير الأرض غالية ونحن لا نريد استثمار وهمى وسرقة فلوس بنوك كما كان يفعل لصوص العصر البائد.

نحن نريد تنمية حقيقية لبلدنا مصر وان تحيا بشبابها.

تحيا مصر تحيا مصر .

تحيا مصر بشبابها رغم أنف كل الافاقين والقوادين واللصوص والفاسدين ورغم كل المعوقات

تحيا مصر برئيس وطنى حر محب لبلده وشعبه.

تحيا مصر بشبابها.

مع تحيات مجموعة صحارى-المملكة المتحدة للمشروعات القومية