" أسامة كمال": أهل البلاد "الاسكندنافية" المرفهة عندهم أعلى معدلات انتحار

قال الإعلامي أسامة كمال، إن الكاتب الراحل عبدالوهاب مطاوع قال: "هل لاحظت معي أن أكثر الناس فراغا هم أكثرهم ضيقا بالحياة وافتقاداً للسعادة؟ هل تعرف السبب؟".

وأضاف "كمال"، خلال برنامجه "القاهرة 360"، المذاع عبر فضائية "القاهرة والناس"، مساء أمس السبت، أننا كنا دائما نتندر على أهل البلاد "الاسكندنافية" المرفهة أن عندهم أعلى معدلات انتحار لأنهم عندهم كل شىء فزهقوا وبينتحروا، مكملا: "كنا بنحمد ربنا على مشاكلنا اللي مخليانا عندنا أزمة بس مش لدرجة الانتحار لحد مالقينا الناس عندنا احنا كمان بتنتحر لأسباب مختلتفة".

وتابع: "طب ايه المشترك بين المرفهين عندهم والشقيانين عندنا؟ .. غالبا الفراغ حسب الكاتب عبدالوهاب مطاوع"، مشيرا "الاتنين مش شايفين بكرة، الاتنين ماعندهمش أمل، الاتنين المرفه والشقيان مش بيبصوا على حاجة اكبر"، مختتما "الناس اللي بتربي جوانا اليأس وبتقول لنا مافيش فايدة، فكل واحد يقول طيب ماهي بايظة خليني في نفسي" .